Еколошка катастрофа во Пацификот – насукан брод испушти 80 тони нафта

Facebook
Twitter
Email
Print

Австралиските власти соопштија дека во Пацификот се случува еколошка катастрофа, откако голем брод заринкал и почнал да испушта нафта во близина на светското културно наследство на УНЕСКО на Соломонските острови.

 

Според оценка на австралиските власти, повеќе од 80 тони нафта се излеале во морето и на брегот на оваа еколошки чувствутелна област, а повеќе од 660 тони нафта и се уште се наоѓаат на бродот кој плови под знаме на Хонгконг и кој се уште испушта нафта.

 

Австралиското министерство за надворешни работи и трговија предупреди дека постои голем ризик и остатокот од нафтата да истече од бродот, наведувајќи дека се “длабоко разочарани“ од бавната реакција за оваа ситуација.

 

Како што објасни австралискиот висок комесар за Соломонските острови, снимките направени оваа недела покажуваат дека постигнат е мал напредок во тоа да се запре истекувањето на нафта од бродот, откако тој се заринкал на 5 февруари, пренесува „АП“.

 

Бродот бил изнајмен од компанијата „Бинтан Мининг“ во Соломонските островите за да пренесе боксит, кој се користи во производството на алуминиум.

 

Јужниот дел од островот Ренел е дел од културното наследство на УНЕКСО.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи