Врховен го укина куќниот притвор на Мијалков за „Империја“

Facebook
Twitter
Email
Print

Врховниот суд го укина куќниот притвор за Мијалков за предметот „Империја“ на Специјалното јавно обвинителство.

 

Во соопштението од Судот се наведува дека му ја уважила жалбата на обвинетиот за решението на Апелациониот суд за мерка куќен притвор и тој се пушта да се брани од слобода. Судот го донел решението врз основа на мислењето дека СЈО нема право да бара притвор, зошто истрагата за овој случај е покрената по јуни 2017. Во соопштението од Судот се наведува дека СЈО нема својство на овластен тужител во оваа постапка.

 

„Империја“ се однесува за сомнение за злосторничко здружување, оштетување ли повластување на доверители, злоупотреба на службена положба и овластувања и перење пари. Освен Мијалков, СЈО ги гони и бизнисмените Орце Камчев, Цветан Панделески и Ненад Јосифовиќ, кои на почетокот на март исто така беа пуштени на слобода.

 

На Мијалков сепак му останува притворот за случајот „Титаник 2“, кој Апелациониот суд вчера затворскиот притвор и му го замени со куќен.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи