ОО СДСМ Прилеп : Прилепчани одбиваат да ги слушаат лагите на Мицкоски и Сиљановска

Свесни за фијаското и очајната посетеност на локалниот и централниот митинг на ВМРО-ДПМНЕ во Прилеп и Скопје, дури после три дена од Општинскиот комитет собраа храброст да изустат некој збор и повторно лажат. Се вели во писмената реакција на ОО СДСМ Прилеп на прес конференцијата на ОК ВМРО-ДПМНЕ Прилеп.

 

Писмената реакција ја пренесуваме во целост.

 

 

„Повеќе од јасно е дека прилепчани одбиваат да ги слушаат лагите на Мицкоски и Сиљановска, затоа што тоа што Груевски го мисли, излегува од устата на овие двајца негови послушници.

 

Газдата на хидроцентрали, Христијан Мицкоски кој е продолжената рака на криминалецот Груевски, застанува во одбрана на 12 годишниот криминал и не се откажува од претходните криминални раководства и власти.

 

Ирена Стерјоска Локвенец, исто така, наместо да им се извини на граѓаните на Прилеп за коруптивното владеење на ВМРО-ДПМНЕ, се дрзнува повторно да ја потценува меморијата на прилепчани кои добро ги паметат непотизмот и криминалот на локалната и централната власт на Марјан Ристески и Никола Груевски.

 

Ирена Стерјоска Локвенец, како претходна директорка на Дом за стари лица „Киро Крстески – Платник“ го остави домот во катастрофално лоша состојба, а треба да одговори и за тоа како нејзинот брат Дејан Стерјоски се вработи во СОУ Гимназија „Мирче Ацев“.

 

Граѓаните на Прилеп и ширум државата им упатија јасна порака на Мицкоски и Сиљановска, дека се против блокадите, деструкциите и конлфиктот што им ги нудат како изборна програма.

 

Државата тргна напред и враќање назад нема. На 21 април и на 5 мај, граѓаните масовно ќе го поддржат концептот за напредок, сигурна и стабилна иднина, предводен од Стево Пендаровски и ќе го изберат за Претседател кој достоинствено ќе ја претставува државата.

 

Впрочем, изминативе денови граѓаните тоа го покажуваат со масовното присуство на сите средби и граѓански собири на заедничкиот кандидат и иден Претседател, Стево Пендаровски“, велат од ОО СДСМ Прилеп.

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи