СДСМ: На 5-ти мај граѓаните ќе гласаат да ја запечатат европската иднина!

На 5-ти мај граѓаните расчистуваат со ВМРО-ДПМНЕ. На 5-ти мај, граѓаните ќе гласаат за вистинска правда, а не партиски привилегии. На 5-ти мај да гласаме масовно и одлучно, еднаш и засекогаш да ја запечатиме нашата европска иднина, изјавија од СДСМ Прилеп во денешната реакција на пресот од ВМРО-ДПМНЕ Прилеп.

 

Реакцијата ја пренесуваме во целост.

 

„На 5-ти мај граѓаните расчистуваат со ВМРО-ДПМНЕ – криминалното и злосторничко здружение кое е се’ уште координирано од задграничниот комитет во Будимпешта.

 

Партијата со криминална матрица предводена од Мицкоски – послушникот на бегалецот Груевски, завршува во темната страна на македонската политичка историја.

 

Граѓаните се свесни дека гласот за транзициската профитерка Гордана Сиљановска, е глас за хидроцентралите на Христијан Мицкоски и глас за заштита на криминалот на Груевски.

 

Затоа прилепчани, како и граѓаните ширум нашата држава, масовно го отфрлаат концептот на поделби и конфликти, што овие двајца гласноговорници и заштитници на Груевски,  го пласираат пред македонската јавност.

 

Граѓаните на Прилеп не ги забораваат „хилтите“ на Марјан Ристески, ниту пустошот во старата чаршија, затворените дуќани со катанци и жолти траки од нарачаните инспекции во времето кога Ристески и Груевски беа власт во градот и државата.

 

Не ја забораваат ниту состојбата со градските улици,  кои беа руинирани со ударни дупки по кои граѓаните возеа “слалом“, а кои сега забрзано се реконструираат од новата локална власт предводена од градоначалникот Илија Јованоски.

 

Прилепчани паметат како Јавните претпријатија во градот беа злоупотребувани во партиски цели на ВМРО-ДПМНЕ, како се трошеа парите од граѓаните по луксузни ручеци во елитни ресторани.

 

Граѓаните знаат за катастрофалната состојба во која го остави Домот за стари лица „Киро Крстески-Платник“ екс директорката и советничка од ВМРО-ДПМНЕ, Ирена Стерјоска Локвенец.

 

Прилепчани никогаш повеќе нема да ја дадат поддршката на лажниот патриот и нафатиран пратеник со куќи и станови Димитар Стевананџија. Ниту на пратеничката  Ана Лашкоска и нејзиниот непотизам, ниту на координаторот на ОК ВМРО-ДПМНЕ Петар Ристески кој ја уназади прилепската болница и ја наполни со партиски кадри.

 

Граѓаните на Прилеп чекаат правда и разврска на серијата кривични пријави во Основното јавно обвинителство за функционерите од претходната власт на ВМРО-ДПМНЕ.

 

Прилепчани, на 5-ти мај ќе гласаат за европски Претседател и концептот за заедништво и напредок.

 

На 5-ти мај, граѓаните ќе гласаат за вистинска правда, а не партиски привилегии. За развој и напредок, за обединета и сигурна држава, за повеќе перспективи за нашите млади дома.

 

На 5-ти мај да гласаме масовно и одлучно, еднаш и засекогаш да ја запечатиме нашата европска иднина“, изјавија од СДСМ Прилеп.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи