Во Полска се роди првата шесторка

Дваесет и деветгодишна жена денес во Полска роди шесторка, што е прв случај во земјата. Бебињата, од кои четири се девојчиња, се родени со царски рез на Универзитетската болница во Краков, Полска.

 

„Ова е прв пат во полска да се родат шест бебиња одеднаш, а тоа е ретко и во светот“, вели шефот на болничкото неонатолошко одделение, професор Ришад Лотербах, додавајќи дека ова и за лекарите било изненадување затоа што очекувале пет бебиња.

 

„Бебињата се родени во 29-тата недела на бременоста и нивните поединечни тежини се движат од 890 до 1300 грама“, рече портпаролката на болницата Марија Влодковска.

 

Претседателот Анджеј Дуда им честита на родителите и на лекарите на „Твитер“, а локалниот фудбалски клуб „Краковија“ им понуди доживотни билети за нивните натпревари со порака дека им држат палци на бебињата.

 

Веројатноста да се роди шесторка е една во пет милијарди.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien