Жителите на населбата „Бончејца“ против дивиот пазар, бараат Општина Прилеп итно да го дислоцира

Жителите на населбата „Бончејца“ во Прилеп бараат Општината под итно да превземе мерки и да го дислоцира дивиот пазар кој се наоѓа веднаш до железничкиот премин. 10-тина камиони со препукции на зеленчук и овошје го имаат запоседнато целиот дел од двете страни на железничката пруга. Жителите реагираат дека повеќе не се издржувало од гужвата и миризбата која секој ден се ширела низ населбата.

 

„Ова повеќе не се издржува. Миризба од скапан зеленчук и фекалии се шират на сите страни.  Пазарџиите уринираат пред зградите. Нејасно е зошто и покрај нашите негодувања и апели досега Општината не превзема ништо. Див пазар функционира без никаква контрола. А бидејќи камионите се паркирани на самата раскрсница каде има и железничка пруга само прашање на време е кога ќе се случи сообраќајна несреќа“, велат жителите на населбата.

 

Жителите испратија и повеќе фотографии до редакцијата на Инфо Компас, се закануваат дека ако надлежните не го дислоцираат пазарот, работите ќе ги зеле сами во свои раце.

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи