Иран во наредните 10 дена ќе го надмине лимитот на ураниум потребен за нуклеарна бомба

Facebook
Twitter
Email
Print

Иранската организација за атомска енергија изјави дека државата наскоро ќе го надминие лимитот на дозволен збогатен ураниум согласно меѓународниот договор од 2015-та година. Организацијата соопшти дека резервите ќе се зголемат, односно ќе стасаат до повеќе од 300 килограми лимит до 27 јуни.

 

Иран веќе за четири пати го зголемил производството на нискозбогатен ураниум, а од официјален Техеран велат дека ќе го зголемат нивото на збогатување на ураниум “на основа на потребите на земјата”. На Иран му се потребни пет проценти збогатување за нуклеарната електрана во јужното пристаниште Бушер и 20 проценти збогатување за истражувачкиот реактор во Техеран.

 

Сепак, Организацијата нагласи дека Иран ќе биде отворен повторно да го разгледа лимитот, ако добие помош од другите потписнички на договорот, во избегнување на санкциите од САД наменети за виталната нафтена индустрија.

 

Иран се согласи да ја лимитира нуклеарната програма согласно Договорот од 2015-та година, а за возврат да добие олеснување на економските санкции.

 

САД, пак, се повлекоа од Договорот минатата година, оставајќи ги Британија, Кина, Франција, Русија и Германија да најдат начин како да го одржат функционален.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи