Индија успешно лансираше ракета на Месечината

Индиската вселенска агенција објави дека успешно лансирала ракета на Месечината во мисија која минатиот понеделник непосредно пред лансирањето беше одложена поради технички проблем.

 

Ракетата Чандрајан 2, изградена од Индиската организација за вселенски истражувања (ИСРО), е лансирана во 14:43 по локално време или во планираното 11:13 часот по средно европско време.

 

Лансирањето е емитувано во живо на телевизија и на социјалните мрежи. Индијците се надеваат дека нивната мисија во вредност од околу 150 милиони долари ќе биде прва на јужниот пол на Месечината.

 

 

Со ова Индија стана четврта држава во светот што испратила вселенско летало на природниот земјин сателит, откако тоа веќе го имаат направено, САД, Русија и Кина.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.