Заев најави борба против лажните вести и дезинформациите

Facebook
Twitter
Email
Print

Владата работи на изработка на акциски план за справување со дезинформациите, рече премиерот Зоран Заев на денешната  прес-конференција. Како што предочи Заев, акцискиот план се презема како чекор против сајбер заканите и масовното ширење дезинформации.

 

„Дезинформациите се еден од главните предизвици на демократијата и алатка за манипулација на граѓаните. Злоупотребата на технологија стана сериозен упад во демократските процеси и сериозно се заканува да влијае на довербата на граѓаните во институциите. Република северна Македонија во изминатите две години се соочи со масовно ширење дезинформации, а дел беа споделени и од територии на други држави“, рече Заев.

 

Целта на изработката на акцискиот план, како што кажа е да се зајакне националната безбедност и сигурност, а за планот ќе се консултираат и со граѓанскиот сектор и со медиумите.

 

Тој информираше дека акцискиот план има две компоненти, безбедносни и проактивни мерки. Исто така, ќе се формира акциска група за борба против дезинформации која ќе анализира и ќе ги следи нападите. Групата ќе ја води министерот за отчетност, Роберт Поповски.

 

„Затоа Владата ќе формира акциска група за борба против дезинформациите и нападите на демократијата како и процес на Национална стратегија за креирање на Национална стратегија за медиумска писменост во чии рамки ќе бидат офатени институциите, медиумите и граѓанскиот сектор“, најави премиерот.

 

Проактивните мерки подразбираат – дополнителна транспарентност и зголемување на довербата на граѓаните во институциите.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи