Работници во украинска нуклеарна централа „рудареле“ криптовалути

Facebook
Twitter
Email
Print

Украинската безбедносна служба го истражува безбедносниот инцидент кој се случил во една нуклеарна електрана во оваа земја. Се истражува дали овој инцидент ја загрозил националната безбедност на Украина и им овозможил на напаѓачите евентуален пристап до интерните системи на нуклеарната централа „Јужноукраинска“ во јужниот дел на земјата.

 

Во рамки на истрагата е извршена рација во нуклеарната електрана, каде е пронајдена и запленета опрема која се користи за „рударење“ криптовалути.

 

Во просториите на електраната наменети за административниот персонал се откриени метални куќишта во кои се наоѓала класична компјутерска опрема заедно со дополнителни напојувања, кулери и графички картици, што укажува на намената на тие компјутери. Во едно од металните куќишта се пронајдени шест, а во друго пет AMD Radeon RX 470 графички картици.

 

Во воените бараки, каде се наоѓа војска која ја чува украинската нуклеарна централа, е пронајдена уште некоја дополнителна опрема за „рударење“ криптовалути. Неколкумина вработени во електраната се обвинети за учество во оваа активност, но засега никој не е уапсен.

 

Украинската безбедносна служба истражува дали при овие активности е користена мрежата на електраната и на тој начин евентуално е добиен пристап до интерни доверливи информации за структурата на нуклеарката и нејзината безбедност.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи