ЗНМ: Потребен развој на дописничката мрежа, за навремени и точни информации

Share on facebook
Facebook
Share on twitter
Twitter
Share on email
Email
Share on print
Print

Дописничката мрежа во земјава континуирано се соочува со намалување на бројот на дописници, пред се поради финансиски причини. Најголемиот дел од дописниците работат на определено време или со хонорарни договори, што им предизвикува чувство на несигурност, имаат недостиг на опрема за работа, а се соочуваат и со притисоци од различни центри на моќ, покажуваат податоците на Здружението на новинари на Македонија.

 

Затоа, сметаат дека е потребно националните медиуми и оние кои зрачат на ниво на целата држава, како и печатените медиуми да го зголемат бројот на дописници и да ги вработат со полно работно време. Тоа, според ЗНМ, треба да овозможи и поквалитетни, навремени и точни информации.

 

„Анализите ни укажуваат дека има нагласена потреба од законска регулатива која ќе им наложи на сите национални медиуми да ангажираат дописници. Во време кога медиумите се ранливи, а во исто време нападнати од дезинформации, се наметнува потребата од точно, навремено и сеопфатно известување, со цел јавноста да добие целосна слика која нема да доведува во заблуда поради нецелосносто, задоценето или шпекулативно пласирање на информации“, рече на денешната промоција на публикацијата „Статус и потреба на дописниците во Република Северна Македонија“ претседателот на ЗНМ Младен Чадиковски.

 

ЗНМ предлага МРТ да озбезбеди развој на дописништвата во секој од осумте плански региони, со по најмалку двајца новинари и по двајца сниматели, и сите да бидат вработени со полно работно време. МИА треба да наперави проценка колку дописници се потребни за ефикасно покривање теми и сите да бидат со полно работно време. Според ЗНМ, идното раководство на МРТ во соработка со МИА треба во секој плански регион да обезбеди работен простор и средства за работа.

 

Исто така државните печатени медиуми на национално ниво треба да имаат по најмалку тројца дописници. Телевизиите кои зрачат на целата територија од минумум 30 вработени, четири треба да се дописници со полно работно време, а кај кабелските телевизии од минимум 10, двајца.

 

Од ЗНМ најавуваат дека од утре ќе имаат серија средби со дописниците од земјава со кои дополнително ќе водат разговори за нови дополнителни информации. Оваа анализа и препораки ќе ги достават до сите медиуми на кои таа се однесува.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи