Со организација на настанот „Ден без автомобили“ и во тие рамки велосипедското дефиле, Општина Прилеп ги заокружи предвидените активности од Европската недела на мобилност, која годинава се одржуваше на тема „Пешачи со нас“.
Европската недела на мобилност има за цел да ја поттикне мобилноста на жителите на европските градови и да ги мобилизира градските власти и институциите да размислуваат, планираат и работат што повеќе да се користи алтернативниот превоз, а во исто време да ја подигнат јавната свест за придобивките од пешачењето и движењето.
Партнери во активностите предвидени со Европската недела на мобилност, заедно со Министерството за животна средина и просторно планирање, се Европската Делегација во нашата држава и ЕУ Инфо центарот во Скопје.
Дел од велосипедското дефиле беа и градоначалникот Илија Јованоски и претседателот на Совет на општина Прилеп, Миле Талевски.
