Антикорупциска се прогласи за ненадлежна по пријавата на инспекторот Илиевски

Државната комисија за спречување корупција ја отфрли пријавата на просветниот инспектор Ѓорѓи Илиевски во делот за наводното незаконско унапредување во наставно – научни звања на тројцата државни функционери Арбер Адеми, Агим Нухиу и Сафет Емрули, прогласувајќи се за ненадлежна.

 

Илиевски е незадоволен од одлуката на Антикорупциска и вели дека постапките ќе ги продолжи на суд.

 

„Оваа институција има задача да оцени дали има судир на интереси. Овие функционери биле унапредени во наставно-научни звања иако работните места им биле во мирување. Тие добивале и хонорари“, вели Илиевски.

 

Во исто време и комисијата на Агенцијата за администрација за одлучување по жалби и приговори на административните службеници во втор степен се прогласи за ненадлежна да донесе одлука по неговата жалба за деградирањето на работното место.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.