ВИДЕО – Танески: Дали е вистина дека сала Македонија е дадена под концесија на лице во кумство со Стојанче Ангелов?

Share on facebook
Facebook
Share on twitter
Twitter
Share on email
Email
Share on print
Print

Изминуваат две години од фамозното ветување на градоначалникот Илија Јованоски, дека овде ќе градел здравствено-рекреативен спортски центар со затворен базен. Денеска како што можеме да забележиме од тоа ветување нема ништо, всушност како и од се останато што ветуваше и ги лажеше граѓаните пред локалните избори, истакна на денешната прес конференција Александар Таневски од Комисијата за спорт при ОК ВМРО-ДПМНЕ Прилеп.

 

Прес конференцијата ја пренесуваме во целост.

 

 

„Наместо затворен базен, нашите сознанија велат дека спортската сала “Maкедонија”, ваква каква што е без технички прием, била издадена под концесија на лице блиско до власта.

 

Во оваа прилика го прашуваме градоначалникот и неговата владеачка одродена партија СДСМ:

 

Дали е вистина дека салата е предадена под концесија на лице во кумство со лидерот на политичката партија Достоинство, Стојанче Ангелов?

 

Зошто ги лажевте граѓаните со ветување за изградба на ваков грандиозен проект кога и самите знаевте дека тоа не е возможно и дека не сте способни за таков зафат?

 

Како е возможно под концесија да се издава објект кој како што кажавте и самите вие нема технички прием и се наоѓа во лоша состојба?

 

Како ја давате салата под концесија кога не се регулирани односите со вработените?

 

Со кое лице ќе се појавите пред граѓаните и ќе ја барате нивната доверба на престојните парламентарни избори?

 

Ви останаа ли уште големи лаги во џебот, како онаа за 20% пониски сметки за вода?

 

Да не биде подоцна не ви кажавме, одново ве предупредуваме, Прилеп и не е толку голем град, па се она што вие се обидувате да скриете, лесно се дознава, а подоцна за тоа ќе следи и одговорност!

 

Со секој еден изминат ден на власт вие тонете во скандали, корупција и криминал, но за среќа граѓаните гледаат и лесно ве прочитаа.

 

Следува обнова на државата и раскрстување со вашите политики и владеење!“, изјави Танески.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи