Русија ѝ помага на Кина да направи ултрамодерен систем за предупредување од ракетни напади

Share on facebook
Facebook
Share on twitter
Twitter
Share on email
Email
Share on print
Print

Москва му помага на Пекинг да направи систем за предупредување од ракетни напади, какви во моментов имаат само САД и Русија, изјави рускиот претседател Владимир Путин.

 

„Ние сега им помагаме на нашите кинески партнери да развијат систем за предупредување од ракетни напади. Ова е многу сериозна работа, која драматично ќе ги подобри одбранбените капацитети на Народна Република Кина“, кажа Путин на форумот Валдај, пренесува ТАСС.

 

Системот за предупредување за ракетен напад комбинира копнени радари и сателитски во орбитата на Земјата, кои детектираат лансирање балистички ракети и ја пресметуваат нивната траекторија. Податоците потоа се пренесуваат до командниот центар, каде то може да се донесе одлука за тоа како да се одврати нападот и да се одговори на него.

 

За време на конференцискиот повик со новинарите, портпаролот на Кремљ, Дмитриј Песков, одби да каже кога системот ќе биде оперативен.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи