Прилепчанецот Александар Стојкоски прво место и на „Momata rock trail“ – планиски тркач број еден годинава во Македонија

Share on facebook
Facebook
Share on twitter
Twitter
Share on email
Email
Share on print
Print

Планинскиот тркач, прилепчанецот Александар Стојкоски, денеска го освои првото место на планинската трка „Momata rock trail“, дестинацијата од 20 км., која по 5-ти јубилеен пат се организираше на планината Селечка кај Прилеп. Инаку Стојкоски годинава беше прв на сите планински трки кои се одржувата во Македонија.

 

„Ова за мене е најверојатно последна трка оваа година. Сега малку одмор, па ќе одлучам што понатаму, рано е да правам распоред на трки за 2020 година. Годинава бев прв на сите планински трки кои се одржаа во Македонија како : Чупино вертикал, Водно-Матка 40 км., Прв до Врв, Титов Врв „Sky race“ 20 км., „Krali Marko Ultra Trail“ 67 км и сега „Momata rock trail на дестинацијата 20 км, на која победив со време од 1h52м, втор беше Александар Кирковски со време 1h58m, и трет Дејан Ангелоски 1h59m , истакна Стојкоски за Инфо Компас.

 

Инаку планинската трка „Momata rock trail“ се одржува по 5-ти пат, и освен дестинацијата од 20 км. која е најатрактивна дестинација, по повод јубилејот се одржаа и уште две други трки на 10 и 40 км. Старот беше кај манастирот Селце, а се трчаше покрај познатите локалитети на Селечка, како Шаторов Камен, Томов дом, врвот Чуле, Казанташ, и други места.На сите 3 трки учествуваа 80-тина натпреварувачи, а организатор на трката е здружението за атлетски и планински спортови „Единак“ од Прилеп.

 

Фото : Петар Петрески

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи