Хуманитарната поетско музичка манифестација за малиот херој Дејан Најдоски од Прилеп

Во Прилеп се одржа хуманитарната поетско музичка манифестација „Со босоногата по патот на светлината” во организација на Клубот на литературни творци Прилеп и Ружа Спасовска, а наменета за лекување на малиот херој Дејан Најдоски од Прилеп .

 

Оваа манифестација под мотото: ПОЕТИТЕ, ПИСАТЕЛИТЕ И УМЕТНИЦИТЕ ВО ХУМАНИТАРНА МИСИЈА се одржа во два дела : Дневна хуманитарна акција и Вечерна хуманитарна акција.

 

Учесници во програмата и дел од хуманитарната мисија беа Уметниците:

 

– Поети и писатели од Македонија
– Танцов клуб „Темпо”
– Тајфата и Димитар Андоновски
– Филип Николоски
– КУД „Моминок”

 

Водител на манифестацијата беше Филип Димкоски, а на присутните им се обратија организаторите Ружа Спасовска , Цеца Видова Трајческа и Андриана Ристеска.

 

Ова беше прва од трите хуманитарни манифестации наменети за лекување на лица со аутизам и мултиплекс склероза. Втората манифестација ќе се одржи во Битола, а финалната трета манифестација ќе се одржи на 19-ти Октомври во Скопје.

 

Прилеп и прилепчани со големиот одзив покажаа и докажаа дека се навистина хумани и спремни да помогнат во рамките на своите можности.

 

Донираните средства беа уплатени на донаторската сметка на Дејан Најдоски со желба за успешно лекување.

 

 

 

 

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.