Општина Прилеп: Непобитен факт е дека Прилеп прераснува во современа урбана општина

Share on facebook
Facebook
Share on twitter
Twitter
Share on email
Email
Share on print
Print

Зборувајќи за неработење, неспособност, криминал, непотизам, првиот човек на Општинскиот комитет на ВМРО-ДПМНЕ од Прилеп, Петар Ристески ја потценува меморијата на прилепчани, кои добро го паметат коруптивното владеење на претходната власт и екс градоначалникот Ристески, стои во реакцијата на Општина Прилеп на денешниот прес на ОК ВМРО-ДПМНЕ Прилеп.

 

Реакцијата ја пренесуваме во целост.

 

„Серијата на кривични пријави за злоупотреби наслужбената положбаи овластувања со кои, покрај екс градоначалникот Ристески, опфатени се и голем дел од неговите најблиски соработници, се најдобра потврда за 12 годишнотовладеење на ВМРО-ДПМНЕ.

 

Локалната власт предводена од градоначалникот Илија Јованоски, и покрај фактот што наследи катастрофална состојба на општинскиот буџет и ниту еден подготвен урбанистички проект, успеа да реализира и да подготви десетици проекти, од кои повеќето беа дел од предизборната програма.

 

Досега се асфалтирани над 50 улици во општина Прилеп, а со ребалансот на буџетот за 2019 година одобрени се и дополнителни 55 милиони денари за реконструкција на патната мрежа во општината.

 

При крај е реконструкцијата на Градскиот стадион „Гоце Делчев“, со што прилепчани добиваат современа фудбалска арена, каква што заслужува најфудбалскиот град во државата.

 

Започната е реконструкцијата на мостот на улицата „Трајко Николоски“ во населбата „Сточен пазар“, кој ќе биде широк 16 метри и со кој ќе се растерети сообраќајот во општината.

 

Набавени се 4 нови еколошки автобуси на метан за јавниот превоз во општина Прилеп, ново возило и опрема за територијалната противпожарна единица, ново современо комунално возило за потребите на ЈКП „Комуналец“.

 

Во сите основни и средни училишта, како и во детските градинки извршени се инфраструктурни зафати, поставена нова ПВЦ дограма, реновирани тоалети и  училници.

 

И покрај тоа што новата локална власт и градоначалникот Јованоски не затекна ниту маркица за изградба на нова детска градинка, донесен е Деталниот урбанистички план за делот од населба Точила, каде ќе се гради ветената градинка за најмалите и затворен базен.

 

Истовремено, 30 населени места во општина Прилеп за прв пат добија Детални урбанистички планови, што ја отвора можноста за нивно урбанизирање и изградба на водоводни и канализациони мрежи.

 

До крајот на годинава започнува реконструкцијата на булеварот „Гоце Делчев“ и дел од улицата „Прилепски бранители“, со што централното градско подрачје добива нов урбан лик.

 

Почитувани, непобитен факт е дека Прилеп забрзано се уредува и гради и прераснува во современа урбана општина“, пишува во реакцијата.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи