Вонредна состојба во Чиле: 10 загинати и огромна материјална штета во безредијата

Share on facebook
Facebook
Share on twitter
Twitter
Share on email
Email
Share on print
Print

Десет лица го загубија животот во безредијата и демонстрациите во Чиле, кои настанаа поради високите трошоци на живот и нееднаквоста во општеството.

 

Петмина загинале откако била ограбена и запалена фабрика за облека во близина на главниот град Сантијаго. Официјални лица соопштија дека три лица загинале во пожар во ограбен супермаркет рано во неделата, а две лица биле застрелани за време на операцијата за приведување на ограбувачите.

 

Претседателот Пињера прогласи вонредна состојба како одговор на насилството, под чиј налет се запалени автобуси, метро станици, продавници и згради со канцеларии, а штетите се проценуваат на милиони долари. Војската и полицијата употребиле солзавец и водени топови против демонстрантите, а во поголемите градови бил воведен и полициски час. Вонредната состојба веќе прогласена во Сантјаго ќе се прошири и во градови во северниот и јужниот дел од државата.

 

На улиците на Сантијаго се наоѓаат 10.500 полицајци и војници. Досега се уапсени 1.462 луѓе, од кои 644 во главниот, а останатите во други чилеански градови.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи