Изборите ќе го пролонгираат предвидениот попис на населението

Share on facebook
Facebook
Share on twitter
Twitter
Share on email
Email
Share on print
Print

Одлуката за одржување на предвремени Парламентарни избори на 12 април 2020 година го пролонгира терминот за одржување на Пописот на населението, домаќинствата и становите во Македонија кој требапе да се одржи на пролет, бидејќи не е можно тој да се одржи во термин кој се поклопува со изборната кампања, изјави директорот на Државниот завод за статситика Апостол Симовски.

 

„Терминот април е воопшто непогоден за спроведување на пописот со оглед на тоа што веќе се закажани изборите и истиот ќе треба да се пролонгира. Можноста да се спроведе попис пред изборите, исто така,  технички невозможна, бидејќи пописот е исклучително голема операција и самата организација е невозможно да се спроведе пред април месец“, изјави Симовски.

 

Според Симовски, кога и како би се одржал пописот во моментот не е познато, бидејќи тоа е одлука на парламентот.

 

„Најубаво ќе биде да се одржи во есен или во пролет. Летниот период поголемиот дел од граѓаните се на годишни одмори, а зимно време одредени делови од земјата се недостапни“, вели Симовски кој дополни дека дополнително ќе биде одреден новиот термин.

 

Инаку Законот за попис сеуште не е донесен бидејќи опозицијата имала 23 барања, а голем дел од нив биле неприфатливи, особено барањето пописот да не го спроведува заводот, туку пописна комисија.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи