Општина Прилеп демантира дека градоначалникот Јованоски има врска со објектот кој се гради во пазарот

Share on facebook
Facebook
Share on twitter
Twitter
Share on email
Email
Share on print
Print

Општина Прилеп и градоначалникот Илија Јованоски најенергично ги отфрлаат изнесените лаги од страна на советничката на ОК ВМРО-ДПМНЕ, Ирена Стерјоска Локвенец. Ова се вели во кусата реакција од Општина Прилеп која доаѓа по прес конференцијата на ОК на ВМРО-ДПМНЕ Прилеп, која ја водеше Ирена Стерјоска Локвенец и на која таа запраша која фирма гради хотел во градскиот пазар во Прилеп и дали е вистина дека изградба на ваков тип на објект не е предивден со урбанистичките планови на општината ?

 

Реакцијата на Општина Прилеп ја пренесуваме во целост.

 

„Имено, објектот за кој советничката на ВМРО-ДПМНЕ зборува си има свој сопственик, со кој ниту Општината, ниту градоначалникот Јованоски имаат било каква врска. Сведоци сме дека во последно време од кујната на ВМРО-ДПМНЕ излегуваат лажни вести, шпекулации и клевети насочени кон локалната власт, а кои имаат за цел дискредитација на градоначалникот Јованоски и претседателот на Совет, Миле Талевски.

 

Доколку Стерјоска и Општинскиот комитет на ВМРО-ДПМНЕ продолжат со трендот на клеветење, до надлежните служби ќе бидат поднесени соодветни пријави за нарушување на угледот и честа на првите луѓе на општина Прилеп“, велат од Општина Прилеп.

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи