Затвор во Германија претворен во хотел, гостите спијат зад решетки и во затворски униформи

Историскиот затвор во градот Фјурстенау во северозападна Германија по повторното отворање работи веќе извесно време, но сега како хотел. Бројни туристи, меѓу кои и штотуку венчани брачни парови, доброволно би минале ноќ зад решетки.

 

„Креветите во ќелиите се со големина 90 на 200 сантиметри и нудат високо ниво на удобност“, истакна Вернер Прис, претседател на Друштвото за археологија  и историја на градот, коешто и го обнови некогашниот затвор.

 

При пријавувањето за престој, посетителите добиваат и комбинезон со црно-бели риги, за искуството да биде што поавтентично.

 

„Не е задолжително, но многумина и ги облекуваат“, вели Гунтер Спонхауер, друг претставник на Друштвото.

 

Затворот во Фјурстенау, близу Хамбург бил изграден 1720 година, но бил затворен подолго време. Во него некогаш биле сместени бројни осуденици, меѓу кои и еден коњокрадец-убиец, кој 1883. бил погубен.

 

„Шест ќелии се претворени во соби за гости, а останатите две се оставени во својата изворна состојба, како што изгледале порано, како специфична туристчка атракција“, појаснува Прис.

 

Цената за една вечер е 45 евра, но ако се одлучите за подолг престој, тоа ќе чини само 37 евра од ноќ.

 

Oвa нe e единствен таков пример во светот. Свои хотели затвори имаат и Велика Британија, Шведска, Турција, САД, Австралија, Холандија, Словенија.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien