Дуковски: На Јованоски не му работи бубрегот и мокри крв, може да настапи моментална смрт

Share on facebook
Facebook
Share on twitter
Twitter
Share on email
Email
Share on print
Print

Адвокатот на обвинетиот Бојан Јовановски, Сашко Дуковски, на наменска прес-конференција за јавноста рече дека е загрижен поради здравствената состојба на неговиот клиент.

 

Според Дуковски, состојбата на Јованоски е животно загрозувачка, едниот бубрег два пати му откажал, постојано мокри крв, но и покрај низата препораки и документација за хоспитализација, затворскиот лекар не сакал да преземе одговорност и да го хоспитализира.

 

„Кога е во хоризонтална положба составот во желудникот и желудочната киселина се враќаат во дишните патишта, тоа значи дека кога лежи може да се случи и моментална смрт“, рече Дуковски.

 

Адвокатот појасни дека сето ова се должи на хируршката интервенција на Јовановски пред да биде уапсен, кога поради проблеми со тежината, го стеснил желудникот и му бил подврзан со тенкото црево.

 

„Не бараме милост. Тој е граѓанин и како и сите други, заслужува нега. Не е ова инквизиција. Не е ова 15 век, туку ова е модерна кривична постапка“, кажа адвокатот пред новинарите.

 

Дуковски рече дека Јовановски постојано бил омаловажуван поради неговата сексуална ориентација и тоа од лекари од затворот и останатите служби, кои го омаловажувале со зборовите: “Па нека умре п*дерот”.

 

Адвокатот најавува и кривична пријава за затворскиот лекар.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи