Државни ревизори ќе ги проверуваат надоместоците во СЈО

Facebook
Twitter
Email
Print

Тим од тројца државни ревизори, на барање на Јавното обвинителство, од 1 февруари ќе проверува како се делеле надоместоците кај вработените во Специјалното јавно обвинителство.

 

Главниот државен ревизор посочи дека се направени неколку состаноци со Јавното обвинителство, на кои, поради јавниот интерес и сите засегнати страни е одлучено да се направи ревизија на надоместоците.

 

„Од 1 февруари 2020 година започнување со работа. Направивме неколку координативни состаноци со претставници на Јавното обвинителство за преземање на целокупната документација. Се работи за документација што има одредена ознака на „класифицирани информации” и мора да се создадат услови за нивно соодветно чување во нашите простории. Утврден е ревизорскиот тим и ставен е во годишната програма за работа и по завршување на ревизијата ќе бидете соодветно известени“, изјави Ацевски.

 

Предмет на ревизијата ќе бидат сите надоместоци кои се исплатени на вработените во СЈО и на нивните соработници.

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи