ВИДЕО – Државна делегација со полициска придружба направила застој од околу 1 час на Плетвар, поради снегот камионите не можеле да тргнат

Државна делегација со полициска придружба направила застој од околу еден час на планинскиот премин Плетвар кај Прилеп. Според раководителот на пунктот „Плетвар“ од „Македонија пат“, Љупчо Блажески, во моментот кога поминувала делегацијата сообраќајот бил стопиран, но кога делегацијата заминала поради врнежите од снег на коловозот тешките товарни возила не можеле да тргнат.

 

 

Некои од нив се излизгале на коловозот при што од Македонија пат морале да интервенираат фрлајќи сол и камчиња пред камионите за да тие можат да тргнат. Блажески не знаеше да каже за каков вид на државна делегација станувало збор. Во меѓувреме додека траеше блокадата се направија километарски колони.

 

„Чекам околу 20-тина минути, од полицијата велат дека има некој застој, некои камиони излизгано имало горе на Плетвар“, рече еден возач на камион.

 

„Патот беше одличен до тука, доаѓам од Битола, но и кога доаѓав наваму претпладнево беше добар. Сега ќе го исчистат за половина час ќе не пуштат“, вели еден возач на камион од Србија.

 

Во моментов сообраќајот на Плетвар според Македонија пат е регулиран и тој се одвива без застој и за лесни и тешки товарни возила.

 

 

 

 

 

 

[poll id=”-2″]

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи