Над 1.000 наставници и професори од Прилеп ќе добијат пати какви што заслужуваат. Во новата програма се обврзуваме на плати до 36.700 денари за наставниците во основното и средното образование, што ќе значи почитување на нивното достоинство и мотивација за напредување и усовршување на работните места, рече на денешната прес конференција претседателот на ОК ВМРО-ДПМНЕ Прилеп, Петар Ристески.
„Се обврзуваме на плата до 100.000 денари за универзитетските професори, 80.000 денари за вонредните професори, 60.000 за доцентите и до 45.000 денари за асистентите на факултетите. ВМРО-ДПМНЕ во својата програма предвидува и изградба на 20 нови, како и реконструкција на 50 училишта ширум државата. Ова значи дека идната влада ќе стави голем фокус кон градењето на здрав образовен систем, кој ќе се насочи кон креирање на идни генерации и стручни кадри со знаење, како и кадри кои му требаат на стопанството“, кажа Ристески.
