Амбасадорот на ЕУ во Скопје, Самуел Жбогар, на својот Твитер профил објави дека Европската Унија ќе ѝ помогне на Македонија во борбата против корона вирусот со средства во висина од 66 милиони евра.
„Сите ние сме заедно во борбата против овој злобен вирус. Во ова тешко време, ЕУ ќе ја поддржи Северна Македонија“, напиша евроамбасадорот Жбогар.
Од тие средства, 4 милиони евра се наменети за итни потреби, 50 милиони евра за социо-економско опоравување, 9 милиони евра за приватниот сектор и 3 милиони евра за директна поддршка на државниот буџет.
