Премиерот Спасовски и министрите Османи, Филипче и Адеми одат во домашна изолација

Facebook
Twitter
Email
Print

 

 

Премиерот Оливер Спасовски, вицепремиерот Бујар Османи, министерот за здравство Венко Филипче, министерот за образование Арбер Адеми, како и Владимир Милошев, државен секретар во министерството за здравство од денес се во самоизолација, по информацијата дека градоначалникот на Куманово, Максим Димитриевски, со кој вчера имаа состанок во општинската зграда, е позитивен на коронавирусот.

 

„Во овој момент се прават епидемиолошки проценки во Куманово од страна на локалниот Центар за јавно здравје и се анализираат контактите на градоначалникот Димитриевски. Во текот на денот ќе се утврди колку и кои лица ќе треба да останат во 14-дневна изолација. Во Скопје започнаа анкетите од Институтот за јавно здравје со сите членови во Владата кои беа присутни на состанокот, по што ќе биде дадена епидемиолошка проценка на ризикот и насоки за понатамошно постапување., соопштија од Владината прес служба.

 

Тие денес не присуствуваа на седницата на Советот за безбедност, која се одржа кај шефот на државата Стево Пендаровски.

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Play Video

Следете не на facebook

 

Вашата поддршка многу ни значи