Нема викенд карантин за 1 мај, Владата ги донесе новите ограничувања во движењето на граѓаните

 

 

Владата на денешната седница донесе одлука за ограничувањата на движењето на граѓаните на територијата на целата држава за време на првомајските празници.

 

Па така полицискиот час на први, втори и трети мај (односно петок, сабота и недела) ќе почнува од 14 часот, односно, ќе биде дозволено движењето на граѓаните од 5 до 14 часот. Ваквата информација прв ја сподели техничкиот премиер Оливер Спасовски на неговиот Фејсбук профил.

 

„На 1, 2 и 3 мај, односно петок, сабота и недела ќе им биде дозволено движење на граѓаните од 5 часот наутро до 14 часот. Забраната за движење во целата држава ќе почнува во 14 часот и ќе трае до 5 часот наутро следниот ден“, напиша премиерот.

 

За лицата над 67 годишна возраст, во овие три дена, ќе им биде дозволено движење од 5 до 11 часот, додека децата и младите лица до 18 години, ќе може да излегуваат од 12 до 14 часот.

 

Инаку на сила остануваат сите претходно донесени мерки од страна на Владата.

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи