Се асфалтира патот од Волково до манастирот „Свети Никола“ – Прилепец

Share on facebook
Facebook
Share on twitter
Twitter
Share on email
Email
Share on print
Print

Се асфалтира патот од населеното место Волково, до манастирот „Свети Никола“, кој се наоѓа во близина на населеното место Прилепец. Станува збор за пат во должина од над 5 километри, кој се наоѓаше во исклучителна лоша состојба, тешко пристапен како за жителите на двете населени места, така и за посетителите на манастирот.

 

Градоначалникот на Прилеп Илија Јованоски истакна дека, во рамките на програмата на Општина Прилеп за изградба, реконструкција и рехабилитација на постојната патна инфраструктура, биле изработени проекти за реконструкција на патиштата од н.м. Волково до н.м Прилепец, како и од н.м. Прилепец до манастирот „Свети Никола“.

 

 

Вкупната вредност на двата проекта изнесува 31.2 милиони денари. Средствата за изградба на патот беа обезбедени од Агенцијата за финансиска поддршка во земјоделството и руралниот развој (АФПЗРР), во рамки на Програмата за финансиска поддршка на руралниот развој за 2018 година, додека ДДВ-то е целосно финансирано од Општина Прилеп.

 

До денеска, асфалтирани се околу 2.4 километри од патот, а според најавите на изведувачот, комплетните градежни работи ќе бидат завршени најдоцна до крајот на овој месец.

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи