ВИДЕО – Храброста на соседите и брзината на пожарникарите спречија голем пожар на ул. „Вардарска“ во Прилеп

Share on facebook
Facebook
Share on twitter
Twitter
Share on email
Email
Share on print
Print

Брзата интервенција на противпожарната екипа од Прилеп, како и пожртвуваноста и храброста на соседите доцна попладнево придонесоа да не изгори семејна куќа на улицата „Вардарска“, број 2 во Прилеп.

 

 

Пожарот започнал во една од просториите на првиот кат. Кога се појавиле пламените јазици еден од соседите веднаш истрчал до блиската бензинска пумпа од каде го зел апаратот за гаснење и влегол во куќата да се бори со огнената стихија, додека друг сосед го гаснел огнот со црево приклучено на чешмата во дворот.

 

Според првичните и се уште непотврдени инфромации огнот настанал од некоја свеќа. Истото зад камерите го потврдија и соседите кои учествувале во гаснењето, но не сакаа јавно да зборуваат. Во моментот на пожарот во куќата биле присутни две жени на возраст од околу 50-тина години.

 

Брзата интервенција пак на пожарникарите спречи огнот да не се прошири и на соседните куќи.

 

„Опожарена е една соба. Собата е целосно опожарена, но беше спречен пожарот да не се одвива на повисоките спратови, како и да не се шири хоризонтално на другите куќи. Акцијата беше успешна, интервенирано е со 2 возила и 10 пожарникари“, истакна Виктор Стојчески, командир на ТППЕ Прилеп.

 

Истрагата треба допрва да утврди како точно настанал пожарот.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video