Трамп со библија во рака се закани дека ќе ја активира војската доколку не се смират протестите

 

Американскиот претседател Доналд Трамп најави мобилизација на припадниците на вооружените сили со цел справување со протестите и запирање на немирите и безвластието.

 

„Јас сум претседател поборник за ред и владеење на правото и сојузник на сите мирни демонстранти. Но, ова не се мирни протести, ова е домашен терор. На Америка ѝ треба изградба, а не деструкција и безбедност наместо анархија. Упатувам силна препорака до сите гувернери на улиците да ја распоредат Националната гарда во поголем број. Градоначалниците и гувернерите мора да спроведат присуство на законот на улиците додека не се воспостави редот. Ако градовите и државите одбијат да преземат акција, за да ги заштитат животот и имотите на сопствените граѓани, јас ќе ја распоредам војската на САД и набрзина ќе им го решам проблемот“, рече Трамп во градината на Белата куќа.

 

Додека тој зборуваше во Белата куќа, полицијата со солзавец, гумени куршуми и водени топови ги растеруваше демонстранти од околниот парк.

 

Десетици градови, вклучувајќи го и Њујорк, воведоа полициски час изминатата ноќ, но тоа не ги поколеба демонстрантите да излезат на улиците, што на некои места повторно излезе од контрола и се претвори во грабежи и палежи. Протестите се одржуваат во повеќе од 75 градови.

 

 

 

 

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.