Ангеловска: Граѓаните што останале без работа да аплицираат за финансиска помош до 26 јуни

Share on facebook
Facebook
Share on twitter
Twitter
Share on email
Email
Share on print
Print

 

 

Сите што останале без работа во периодот од 11 март до 30 април, без разлика дали потпишале спогодбен отказ или лична изјава, или добиле отказ од работодавачот, ќе можат два месеци да примаат паричен надоместок, а рокот за пријавување во Агенцијата за вработување трае до 26 јуни, напиша министерката за финансии на својот профил на Фејсбук.

 

„При креирањето на мерките  Владата се погрижи и за оние чии работни се затвориле како резултат на кризата. Затоа беше донесена Уредбата за исплата на паричен надоместок на лицата кои согласно постојната регулатива не им следи паричен надомест за невработеност“, напиша Ангеловска.

 

Ангеловска наведува дека за оваа мерка во Центрите  за ваботување досега аплицирале 3.000 лица и дека со мерката се опфатени 113.000 невработени.

 

Таа информира и дека мерката ослободување  од плаќање аконтации по основ на данок на добивка и данок на личен доход за самостојни вршители на дејност продолжува и во месеците јуни и јули.

 

„Над 1500 компании и вршители на дејност ја користат мерката.Најмногу од компаниите кои ја користат се од дејностите:Транспорт, подготовка и служење на храна.Туристички агенции, туроператори и останати резервациски услуги како и дејностите поврзани со нив и Објекти за сместување“, пишува Ангеловска.

 

Според неа, најголем број од претпријатијата ослободени од аконтација за данок на добивка се микро и мали со преку 90% застапеност.

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video