Аеродромите на 1 јули започнуваат со работа

Share on facebook
Facebook
Share on twitter
Twitter
Share on email
Email
Share on print
Print

 

 

На 1 јули, во среда двата аеродроми во Македонија започнуваат со работа и целосно ќе бидат отворени за сообраќај.

 

Сепак патувањето со авион во следниот период ќе се одвива со посебен режим за патниците кои ќе мора да пристигнуваат на аеродромите 3 часа пред летот и да следат строги хигиенски протоколи.

 

„Она што е најважно за патниците е следното – да пристигнат на аеродромите најмалку 3 часа пред нивниот лет, да стават заштитна маска пред да влезат во терминалната зграда на аеродромот, да ги дезинфицираат обувките и рацете на самиот влез во зградата и постојано да одржуваат физичко растојание”, велат од ТАВ.

 

Информативни знаци во вид на банери, налепници и билборди ќе бидат поставени насекаде низ аеродромите, со цел да ги потсетуваат патниците да држат физичко растојание, да одржуваат висок степен на лична хигиена и да избегнуваат допирање на површините.

 

„Не е дозволено седење еден до друг на седиштата во чекалниците на аеродромот, на заминувања , пристигнувања и кај излезите , туку патниците ќе треба да седат на соодветното физичко растојание, а за таа цел седиштата се посебно обележани“, објаснуваат од ТАВ Македонија.

 

Од ТАВ дополнуваат дека поради одржување на високо ниво на хигиена, аеродромите ќе бидат дезинфицирани четири пати дневно.

 

Инаку Охридскиот аеродром „Свети апостол Павле“, поради пандемијата на ковид-19 за патничките летови беше затворен од 15-ти, а Меѓународниот аеродром „Скопје“ од 18 март.

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video