Антикорупицска бара одговорност од министерот за здравство Венко Филипче заради користење службено возило за партиски цели. Антикорупционерите го прифатија приговорот поднесен од ВМРО-ДПМНЕ со кој се тврди дека Филипче на 28 јуни со возило со службен автомобил присуствувал на промоција на партиската програма на СДСМ во Штип.
Инаку, службениот автомобил на министерот Филипче е сопственост на Агенцијата за разузнавање која го има остапено на Министерството за здравство. Од здравство пак потврдија дека тој ден министерот бил службено во Штип, но сепак потоа се појавил на партиски настан и учествувал во презентација на програмата на коалицијата „Можеме“ заедно со претседателот на СДСМ Заев и генералниот секретар Николовски. ДКСК сега бара Владата да утврди одговорност за работењето на министерот за здравство.
Антикорупционерите ги одбија останатите два приговори на опозициската партија поднесени против Министеството за земјоделие и Агенцијата за млади и спорт.
