Струјата поскапува за 7.4%

 

 

Цената на струјата за домаќинствата ќе се зголеми за 7.4%. Од идниот месец еден киловат наместо 5.54 денари ќе чини околу 5.9 денари за висока, а старите 2.78 за ниска тарифа се зголемуваат на 2.9 денари.

 

„Заради намалените приходи, пред се од извозните компоненти, цената на електричната енергија за сите потрошувачи на регулираниот пазар ќе се зголеми за 7.4% и тоа ќе го следиме во наредниот период“, изјави  претседателот на Регулаторната комисија за енергетика Марко Бислимоски.

 

Според Бислимоски, на сметка од 1.500 денари, зголемувањето на месечните трошоци ќе биде за приближно 100 денари, односно граѓаните би плаќале 1.600 денари.

 

РКЕ одлучила во наредниот период, да нема укинување на евтината тарифа во корист на граѓаните. Таа останува во истиот период како досега.

 

 

 

 

 

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.