Изложба „Ликовните предели“ на Драган Најденовски во Прилеп

На 7 Август во петок со почеток во 19.30 часот во ликовната галерија на ЦК „Марко Цепенков“ ќе биде отворена изложбата на слики „Ликовните предели“ од уметникот Драган Најденовски.

 

„Симболично и модерно е ликовното творештво на Драган Најденовски. Секоја негова слика е светлина и реална, но и далеку поапстракна што зрачи и осветлува скриени ликовни простори од ова поднебје. Тие се прекрасни предели во замислената иреална „Ливада на музите“, бајковито насликани со филозофско-фантастичен набој со магичен и метафоричен ликоен израз силно и цврсто потпрени на имагинацијата на авторот. Поетизам, лиризам, естетизам, складност на бои, се е збрано во овие слики од најновото ликовно творештво на Драган Најденовски презентирани на оваа ликовна изложба. И сето тоа зборува за неговите уметнички вредности, за неговиот ликовен стил и израз, автетичен и препознатлив“, вели за делата на Најденоски, писателот Панде Манојлов.

 

 

Инаку Драган Најденовски е самостоен ликовен уметник, активен член на ДЛУМ. и ФЛУБ . Досега има над 40 самостојни изложви, учесник на многу групни изложби и графички манифестации во Македонија и светот, како и на многу домашни и меѓународни ликовни колонии. Исто така добитник е и на вредни награди. Во 2017 ја добива наградата на град Биитола „4 Ноември“ за уметност.

 

 

 

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.