Денеска во Прилеп беше одбележана 118-годишнината од раѓањето на Методија Андонов – Ченто, првиот Претседател на президиумот на АСНОМ. По тој повод делегации на Општина Прилеп и општинскиот Совет, денеска положија свежо цвеќе пред неговиот споменик во центарот на Прилеп.
Методија Андонов – Ченто е роден на 17 август 1902 година во Прилеп. Во својата биографија бележи значајна политичка активност уште пред почетокот на Втората светска војна. За време на војната, во 1942 година, бил интерниран во логорот „Чучулигово“, во близина на Петрич, а по ослободување од интернација бил повикан од Главниот штаб на НОБ и ПОМ да се приклучи во Народно- ослободителната војна. По основањето на иницијативниот одбор за свикување на АСНОМ, на Првото Собрание на 2 Август 1944 година, тој бил избран за негов Претседател.
Методија Андонов-Ченто починал на 24 јули 1957 година.
