ВИДЕО – Неколку фамилии во Прилеп секој посилен дожд живеат во страв дека Градската река може да им го уништи домот

Share on facebook
Facebook
Share on twitter
Twitter
Share on email
Email
Share on print
Print

Секој пороен дожд и невреме ние живее во страв дека Градската река ќе ни ја однеси куќата. Ова е вака веќе со години и не се издржува повеќе. Вака ја започнува својата приказна Гоце Митрески од Прилеп, кој живее на еден од краците на од улицата „Александар Македонски“, покрај градската река во Прилеп. И денеска со поројниот дожд улицата комплетно се поплави поради преливање на реката.

 

 

„Ова е срамота, се работи за тоа да се изгради 100 метри потпорен ѕид на реката. Секој посилен дожд, ние 5-6 фамилии тука живееме во страв водата да не ни го однеси домот. Од страната на населбата Бончејца се направи тој ѕид, а од страна во населба Чачорица не се направи. Поминаа многу власти, секаде сме се обраќале, но сите останале глуви за нас. Еве и денеска погледнете што направи водата. Реката повторно се прелија. Бараме Општина Прилеп под итно да го реши овој проблем“, вели Митрески.

 

Пред неколку години кога имало посилно невреме дури поставувале и насипи со вреќи за водата не стигне во куќите. Ваква била тогаш сликата.

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи