ВИДЕО – Еурокомпозит среде пандемија, 8 месеци без плата и без денар финансиска помош од државата

50-тината преостанати вработени во државната компанија „Еурокомпозит“ од Прилеп, цели 8 месеци, среде пандемија на Ковид 19 и голема економска криза се оставени буквално без денар и никаква помош од државата. 8 месеци немаат земено плата. Се водат како вработени, а исто како и да не се. Се молат да не се разболат затоа што немаат здравствено осигурување. И додека огромен дел граѓаните добија разни ваучери како помош, овие 50-тина луѓе не добија ништо. Што е уште пожалосно ниту еден државен орган за 8 месеци не ги исконтактирал да ги праша како и од што живеат.

 

 

„8 месеци немаме земено ниту денар. Сите приватни фирми добиваа некакви ваучери, некаква помош, понекоја плата му даваше државата ние немаме земено нииту денар досега. Имавме и жалба пуштено до УЈП немаме одговор никаков од нивна страна зошто ние да не добиеме никакви ваучери. Ваучерите што ги даваше државата за купување на македонски производи и туризам требаше да ги добиеме и ние. Не дека ваучерите за туризам ќе ги искористевме, бидејќи ние нема со што да се нахраниме, ама комплетно сме заборавени“, рече Роберт Богданоски, претседател на синдикатот.

 

Во оваа државна фабрика 8 месеци нема струја, дворот е веќе зараснат од треви, а фабриката ја чува полиција, бидејќи нема кој да плаќа стражари и обезбедување. Пред неколку месеци имаше и кражби на опрема.

 

„Бевме 60-тина вработени од кои 10-тина си заминаа поради причина што немаа здравствено осигурување. Се пријавија под Бирото за вработување колку да имаат здравствено осигурување. Нека излезат јавно и нека кажат дека повеќе ништо не бидува со нас и да знаеме на што сме“, кажа Богданоски.

 

Телефонски се слушнавме и со директорот Милан Тоцев кој истакна дека и тој нема никаква информација што ќе биде со фирмата во иднина. Признава дека ситуацијата е катастрофална. Се надевал дека наскоро ќе оствари некаков контакт со некој од новите министри. Но до сега и него никој не го исконтактирал.

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи