ВИДЕО – И покрај катастрофалните услови училиштето во Житоше одржува настава со физичко присуство

Share on facebook
Facebook
Share on twitter
Twitter
Share on email
Email
Share on print
Print

 

КОЊИЧКИ КЛУБ МУСИЦА – КРУШЕВО 078-377-315


И по еден месец од објавувањето на нашата сторија за катастрофалните услови во кои се наоѓаат тоалетите на основното училчиште „Лирија“, во селото Житоше, Општина Долнени, ситуацијата тука е буквално иста. Наликува како сцена од хорор филм. Среде пандемија, кога секој ден имаме по скоро 200 новозаразени лица од Ковид 19, ниту општината, ниту државата не се потрудиле тука да стават ниту една шајка. До чучњавците повторно не е спроведена вода, имаме испукани цевки на сите странии од кои постојано тече вода, таванот во секој момент може да падне врз децата кои го користат овој тоалет, а нема ниту соодветно место каде што тие може да се мијат раце.

 

 

Тука сега се поставува прашањето како и покрај ваквите услови на тоалетите кои се на 20 метри од главната зграда ова училиште воопшто и добило дозвола од државата денеска да започне настава со физичко присуство на учениците до 3-то одделение. На првиот училишен ден учениците денеска само кратко беа присутни во училиштето. Иако на вратата има поставено средства за дезинфекција на раце, и повеќе постери со едукативна содржина не успеавме да добиеме одговор како воопшто ќе се одвива наставата во ова училиште затоа директорот практично не избрка од канцеларија кога побаравме одговор. Став за катастрофалната состојба во училиштето побаравме и во Општина Долнени, но и од таму не добивме одговор.

 

И повторно поради само нив познати причини ниту еден родител не сакаше да даде изјава иако тука има околу 70 деца од 1 до 3 одделение. Свој коментар за состојбите даде само еден повратник од Швајцарија.

 

„Не треба тука да се доближат деца во училиштето, особено во ова време на пандемија. Епа сега овие така одлучиле нека одговараат.

 

Што доколкку се случи нешто кој би одговарал ?

 

Како и секогаш во Македонија што сака некак биде никој не одговара за ништо“, вели Зеки Јусуфи, жител на село Житоше.

 

Останатите деца до 9-то одделениие во Житоше денеска требаше да имаат она лајн настава, но и тоа било проблем затоа што голем дел од нив не можеле да купат компјутери, ниту пак да седат со учениците да учат дома.

 

„Проблем е што тука луѓето имаат по 3-4 деца, на едно дете ако му набави лап топ, таблет или ајфон, на другите нема да може. Можеби 30% од населението има услови за он лајн ама другите 60-70% немаат никаки услови ниту финансии за тоа“, додава Јусуфи.

 

„Оваа корона завладеа и од што да му купиш компјутер, не можиш. И да му купиш родиителите треба да одат на работа. Треба да се работи тутун, земјоделие, и кој ќе го учи дома, никој. Детето нема само да учи“, вели Илмаз Ибровиќ, жител на село Житоше.

 

Дали ова училиште ќе продолжи со работа во вакви услови или конечно после повеќе години ќе се уредат тоалетите и државата ќе оддели средства засега останува непознато.

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи