ВИДЕО – Попоски: Градиме по план, Прилеп добива нов Градски булевар со импозантен лик

Share on facebook
Facebook
Share on twitter
Twitter
Share on email
Email
Share on print
Print
КОЊИЧКИ КЛУБ МУСИЦА – КРУШЕВО 078-377-315

Локалната власт предводена од СДСМ и градоначалникот Илија Јованоски, докажа дека дури и во услови на пандемија со чесен и домаќински пристап може да продолжи реализацијата на сите инфраструктурни проекти. Најдобра потврда за тоа е силната динамика со која се одвива реконструкцијата на градскиот булевар „Гоце Делчев“, капитален проект во вредност од 1 милион евра. Истакна на денешната прес конференција Филип Попоски, портпарол на ОО СДСМ Прилеп.

 

 

Прес конференцијата ја пренесуваме во целост.

 

„Завршувањето на првата фаза од реконструкцијата на главната сообраќајна артерија во градот, веќе донесе современ и европски лик на тој дел од градот.

 

Импозантни тротоари со нови гранитни плочки и тактилни траки за слепи лица, велосипедски патеки, четири коловозни ленти, ново централно осветлување, нова урбана опрема, е новата слика за градскиот булевар на потегот од кружниот тек „Карпалак“ до поранешната Градска кафеана.  

 

Со забрзано темпо се одвиваат и градежните работи на втората делница од булеварот, односно делот до раскрсницата пред Центарот за култура „Марко Цепенков“,  каде во тек е и замената на старата водоводна мрежа со нова, полиетиленска.

 

Во рамки на проектот, се врши комплетна реконструкција и на улицата „Прилепски бранители“, до кружниот тек пред Поштата, каде веќе е поставен новиот слој на асфалт и нови гранитни плочки на тротоарите.

 

Новиот, современ и безбеден градски булевар, ќе биде нова гордост на сегашните и идните генерации на Прилеп. Градиме по план и постојано докажуваме дека можеме и повеќе и подобро за подобар живот на сите наши сограѓани“, додаде Попоски.

 

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи