Онлајн седница на Владата – се очекува одлука за новите мерки

Share on facebook
Facebook
Share on twitter
Twitter
Share on email
Email
Share on print
Print

 

КОЊИЧКИ КЛУБ МУСИЦА – КРУШЕВО 078-377-315


 

Владата денеска, како што веќе најави премиерот Зоран Заев, ќе одржи онлајн седница, на која се очекува да се дискутира и да се усвојат новите мерки кои минатата недела ги предложи Комисијата за заразни болести.

 

Станува збор за три мерки. Една од нив е задолжително носење маска или заштитна прекривка на устата и носот и при престој на отворено дури и кога лицето се движи само, како и во затворени простории.

 

Исклучок, кога не мора да се покриваат устата и носот, е при спортување, за деца до шест години, при транспорт во приватно возило со членови на семејството, при седење во угостителски објекти (со почитување на протоколите), како и ако лицето е само во канцеларија.

 

Другата мерка е забрана на групирање на повеќе од четири лица после 22 часот, а трета предвидува забрана за масовни семејни собирања. Едно семејство ќе може да прими најмногу четворица гости.

 

Како би се контролирале собирите во домовите, е прашање кое поткрена големи реакции во јавноста, но засега од власта немаше прецизни одговори. Министерот за внатрешни работи Оливер Спасовски во последната изјава порача да се почека прво да се усвојат мерките и потоа ќе биде јасно како ќе се спроведува мерката.

 

Денешната седница на Владата ќе биде онлајн по препорака на здравствените власти откако последниот период се забележа наплив од нови случаи со ковид-19.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи