Иницијативниот одбор на тутунопроизводителите кои ги организира протестите во Прилеп донесе одлука во среда од 10 до 12 часот да се одржи масовен протест на тутунарите на Заполшки мост кај Прилеп со блокада на патот Скопје—Прилеп.
Ова пред малку на својот ФБ профил го објавија членовите Одборот на тутунарите.
Оваа одлука доаѓа откако денеска тутунарите изјави дека повторно биле излажани од откупувачите и обвинија дека ситуцијата била иста како и минатата недела и тутунот не се ценел реално. Благо зголемување на линијата имало само во Тутунски Комбинат Прилеп, во градскиот откуп.
Тутунарите за утре бараат итна средба со Министерот за земјоделство за оваа ситуација и гаранција за тоа што се договориле. Велат дека без разлика дали утре ќе има или нема да има средба со Министерот и без разлика на нејзиниот исход, протестот во среда ќе се одржел.
