Одбележани 100 години од смртта на Марко Цепенков

Share on facebook
Facebook
Share on twitter
Twitter
Share on email
Email
Share on print
Print

 

 

Делегации од Прилеп денеска положија свежи цвеќиња на спомен обележјето на Марко Цепенков, пред институцијата, по повод 100 години од неговата смрт.

 

Веќе 41 година Центарот за култура го носи името на истакнатиот собирач на македонски народни умотворби, кои имаат непроценливо значење за македонската фолклористика, за етнографијата, лингвистиката , за националната историја… за правото и за моралот на Македонците.

 

Цепенков бил ориентиран кон сите жанрови на народното усно творештво, но сепак најмногу ги сакал приказните, цврсто уверен дека „Малите приказни голем ум даваат“!

 

Во вкупниот број на публикувани и непубликувани негови дела можат да се набројат повеќе од 5500 пословици и поговорки, 800 приказни, 150 песни, 100 гатанки, 400 верувања и клетви, 300 благослови, 350 баења, 2900 соништа и нивни толкувања, 70 детски игри, јазичен и етнолошки материјал (речник, тајни јазици, описи на занаетиобичаиобреди, реквизити од домашниот материјален живот и народната аргономија и сл.).

 

 

 

 

 

Автор е на драмското дело „Црне Војвода“, а неговата автобиографија претставува богат извор за проучување на целокупниот живот во Прилеп.

 

Низ годините театарот „Војдан Чернодрински“ прикажал повеќе претстави во кој се преплетувал ликот на Марко Цепенков, а целосни претстави посветени на големиот  прилепски и македонски творец се „Натемаго“(2006 г.) и „Сонот на Цепенков“  (2013), по спојувањето на Домот на културата и театарот во една институција НУЦК „Марко Цепенков“.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи