ВИДЕО – Бочварски : Експресниот пат Прилеп-Градско ќе продолжи да се гради на почетокот од идната година

Share on facebook
Facebook
Share on twitter
Twitter
Share on email
Email
Share on print
Print

Експресниот пат Прилеп-Градско ќе продолжи да се гради на почетокот од идната година. Ова денеска во Прилеп го изјави министерот за транспорт и врски Благој Бочварски. Изградбата на делницата Градско-Дреново сега ќе ја превземела компанијата „Штрабах“ од компанијата „Тирена Скави“ со кого Владата го раскина договорот. Изградбата пак на втората делница од оваа магистрала, Дреново-Фариш, која исто така се гради со години, ја работеше шпанската „Рубау“. Владата го раскина договор и со оваа компанија и сега изградбата и на оваа делница е во застој. Сега во тек била тендерска постапка и евалуација на понудите.

 

 

„Тендерот е распишан пред 5-6 месеци, но поради Ковид кризата, прибирањето на понудите на компаниите и флексибилноста која ја даваше ЈПДП по однос тоа да имаме комплетни документации, да може веднаш да се евалуира и да се добие изведувач доведе до тоа да веќе сме декември и сега сме пред крај на евалуацијата, но најважно за мене е сега да имаме успешен тендер и успешна тендерска постапка повеќе отколку да имаме избрзана, а при тоа да биде неуспешна“, вели Благој Бочварски, министер за транспорт и врски.

 

Дека Пелагонија веќе со децении е слепо црево и има кактастрофална патна инфраструктура подолг период наназад предупредуваат и од стопанствениците кои велат дека освен што секоја годиина Плетвар зема многу жртви, лошиот пат им влијае и врз бизнисот. Бараат од Владата да му посвети вистинско внимание на овој регион.

 

„Нажалост количината на енергија време и пари која што се троши за да се помине тој пат е огромна е мислам дека е крајно време да се посветиме на клучната работа, а тоа е инфраструктурата. Инфраструктурата е основа за економско надоградување на компаниите. Количината на човечки животи кои непотребни се изгубени на таа релација е огромна е мислам дека навистина треба да му се посвети внимание на регионот. Сепак мислам дека Пелагонија е регион кој може да биде иднината на нашата земја“, истакна Ирена Јакимоска, претседател на Регионална стопанска комора – Прилеп.

 

Освен овие две делници ќе се прави и експресен пат од местото Ленишки мост до Прилеп, а за Прилеп – Битола според Бочварски во тек било проектирање на автопатско решение.

 

 

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи