ВИДЕО – Попоски: Новата кривична пријава против Ристески е доказ за криминалното владеење на ВМРО-ДПМНЕ

Share on facebook
Facebook
Share on twitter
Twitter
Share on email
Email
Share on print
Print

 

Последниот случај со кривичната пријава која ОВР-Прилеп ја поднесе против поранешниот градоначалник на општина Прилеп, Марјан Ристески, е уште еден во низата докази за 12 годишното криминално владеење на ВМРО-ДПМНЕ. Екс градоначалникот Ристески е дел од случајот, во кој девет физички и две правни лица се сомничат дека го оштетиле државниот буџет за 8 милиони  денари, изјави на денешната прес конференција Филип Попоски-портпарол на ОО СДСМ-Прилеп.

 

Прес конференцијата ја пренесуваме во целост.

 

„Станува збор за продажба на државно земјиште во 2012 и 2013 година, при што како продавач се јавува Општина Прилеп, а купувач едно од пријавените правни лица.

 

Како што информираше МВР, во постапката за оттуѓување на земјиштето биле употребени лажни имотни листови во кои не постои податок за правото на користење на земјиштето, иако уште од 01.10.2009 година како корисник е запишано Министерството за одбрана.

 

Пријавата содржи елементи за основано сомнение за сторени сериозни кривични дела како: „злоупотреба на службена положба и овластување“, „фалсификување на службена исправа“, „поднесување на лажни докази“, „давање на лажен исказ“ и „фалсификување или уништување на деловни книги“.

 

Почитувани, предметите против злосторничкото здужување и урбаната мафија, кои со години стојат во фиоките на обвинителствата и судовите, мора час поскоро да добијат разрешница. Неселективна правда мора да има. Граѓаните бараат одговорност за криминалното трошење на нивните пари, од страна на поранешните функционери на ВМРО-ДПМНЕ.

 

За СДСМ, како партија на власт, Владеењето на правото е еден од темелните принципи. Затоа, ги поздравуваме чекорите за професионално филтрирање на правосудството, кои ги презема министерот за правда Бојан Маричиќ. Работата на судовите, на претседателите на судовите, на судиите и обвинителите, мора да подлежи на темелна проверка. Законите мора да важат подеднакво за сите!“, рече Попоски.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи