Во Крушево е закажано уште едно параглајдинг првенство за ова лето. Се работи за „Крушево Озон опен“ (Krusevo Ozon Open) кое ќе се одржи од 4-ти до 10-ти септември.
Организаторите се надеваат дека третото издание на ова првенство ќе се одржи непречено и дека ќе се спроведе еден забавен и едукативен настан.
„Крушево Озон опен“ е настан кој е организиран од домашни параглајдинг клубови и веќе три години носи учесници од многу европски држави.
Инаку во моментов во тек е регистрацијата за учество на Светското првенство во змајарство од 18 до 31 јули во Крушево.
