Дневно, во Македонија ќе се вакцинираат 2500 лица, а во Скопје 1.380 граѓани. Министерот Венко Филипче изјави дека смета дека овој капацитет е доволен за спроведување на првата фаза од вакцинацијата.
Вакцинацијата во Скопје ќе се одвива во сите скопски поликлиники. Го направивме оперативниот план, 880 лица дневно ќе се вакцинираат, а близу 500 во пунктот во Клиничкиот центар. Поликлиниките Букурешт, Јане Сандански и Чаир ќе работат од 8 до 20 часот, а останатите по една смена. Децата од претшколска и школска возраст ќе бидат заштитени и истите ќе се упатуваат во Поликлиниката Ѓорче Петров или во амбулантата во Карпош. Во останатите градови, вакцинацијата ќе се спроведува во вакциналните пунктови по примерот на имунизацијата за сезонски грип – објави Филипче на својот Фб профил.
Утре, 10 февруари, ќе профункционира веб страницата преку која граѓаните ќе можат да се пријават за вакцинација. Термините ќе бидат одредени според приоритетна група.
