Во пресрет на Денот на извидниците, 22 февруари, Извидничкиот одред „Феникс“ од Прилеп ја организираше акцијата „Направи добро дело“ во чиј состав се делеше бесплатен топол чај за граѓаните, а се нахранија и дел од бездомните животни во центарот на градот.
„Нашиот одред одлучи да направиме една ваква акција и денес истата ја спроведуваме тука на лице место, делиме бесплатен топол чај за граѓаните да се згреат. Исто така со чајот одат и пораки кои што би му го разубавиле денот на граѓаните и имаме уште една мала активност, а тоа е да нахраниме бездомни животни. Тоа е за денес, а утре имаме друга активност за нашите членови, ќе имаме стаза со контролни точки низ центарот на градот, на секоја контролна точка ќе има некои предизвици и нашите членови ќе бидат поделени во екипи и нивна задача ќе биде да ги најдат тие контролни точки и секако да ги извршат предизвиците. Истата акција ќе се спроведува и во другите градови и во другите одреди во Скопје, Штип, Кавадарци, Кичево, Охрид итн“, рекоа од Извидничкиот одред „Феникс“.
